Motoristi francez Pierre Cherpin ka vdekur nga një lëndim në një aksident gjatë garës në Rally Dakar në Arabinë Saudite.
Cherpin u aksidentua pesë ditë më parë në kilometrin e 178-të të fazës së shtatë të garës nga Haʼil në Sakaki. Gjatë qëndrimit të tij pesë-ditor në spital në Sakaki, Cherpin iu nënshtrua disa operacioneve dhe ishte në një koma artificiale.
Organizatorët e garës thanë se 52-vjeçari Cherpin vdiq ndërsa po transportohej me helikopter nga Jeddah në Lille.
Cherpin garoi për herë të katërt në Rally Dakar në Arabinë Saudite, dhe organizatorët e garës deklaruan se ai ishte një sipërmarrës dhe entuziast i motoçikletës, i cili drejtohej vetëm nga ambicia për të përjetuar aventura.
“Jam amator. Nuk më interesojnë fitoret, por zbulimi i peizazheve që përndryshe nuk do të kisha mundësi t’i shihja. Eshtë emocionuese të ngasësh një motor, të ndjesh pasionin dhe të njohësh veten”, tha Cherpin së fundmi në fillim të Rally Dakar. /tesheshi.com/
