Një operacion shpëtimi është duke u zhvilluar snë Kanalin Anglez për një “incident” që përfshin një “varkë të vogël”, një term që përdoret përgjithësisht për të përshkruar varkat e improvizuara në të cilat emigrantët përpiqen të arrijnë në Mbretërinë e Bashkuar, njoftoi sot Autoriteti Portual.
Sekretarja e Brendshme e Britanisë, Suella Braverman, tha sot se ajo ishte vënë në dijeni për “incidentin e trishtuar” në Kanalin anglez, duke shtuar se mendimet e saj “ishin me të gjithë të përfshirët”.
“Unë jam në dijeni të incidentit fatkeq në Kanalin anglez këtë mëngjes dhe jam përditësuar vazhdimisht ndërsa agjencitë përgjigjen dhe konstatojnë faktet”, tha Braverman në Twitter. “Mendimet e mia janë me të gjithë ata që janë përfshirë në incident”.
“Një varkë e vogël që transportonte emigrantë është fundosur në brigjet e Anglisë juglindore, duke vrarë disa nga ata që ndodheshin në bord”, raportoi BBC.
Ndërsa temperaturat shumë të ftohta mbizotërojnë në Angli dhe Francën veriore, roja bregdetare “aktualisht po bashkërendon një operacion kërkimi dhe shpëtimi pas një incidenti që përfshin një anije të vogël në Kent” (Anglia juglindore), sipas deklaratës.
Sipas Daily Mail, në bordin e varkës së përmbysur ndodheshin më shumë se 40 persona dhe ekziston frika për “të paktën 3” të vdekur.
A rescue is under way in the English Channel following a major incident involving small boat.
The Maritime and Coastguard Agency said HM Coastguard is working with the RNLI, Royal Navy, Border Force, French navy and Kent Police to look for the boathttps://t.co/asHHLyu27Q pic.twitter.com/NRZRFRUzil
— Sky News (@SkyNews) December 14, 2022
Autoritetet kanë mobilizuar anije dhe ekipe shpëtimi nga qytete të ndryshme në Anglinë juglindore, si dhe dy helikopterë britanikë dhe “një helikopter të marinës franceze”.
Nga ana e Francës, Autoriteti Portual i Kanalit dhe i Detit të Veriut shtoi se një anije patrullimi detare është zhvendosur gjithashtu në zonë.
Varka të vogla, zakonisht të fryra, pra gomone, kalojnë rregullisht Kanalin Anglez duke transportuar emigrantë nga Franca në Britani. Më shumë se 40,000 njerëz kanë mbërritur në vend këtë vit duke bërë një udhëtim të rrezikshëm, i cili është një burim tensioni në marrëdhëniet midis Britanisë dhe Francës. Sipas shifrave të përpiluara nga Programi i Migrantëve të Zhdukur, 205 migrantë janë raportuar të vdekur ose të zhdukur në Kanalin Anglez që nga viti 2014. Në incidentin më të keq të tillë në histori, 27 persona vdiqën teksa përpiqeshin të kalonin Kanalin Anglez me një gomone në nëntor 2021.
Incidenti i sotëm vjen një ditë pasi kryeministri Rishi Sunak zbuloi planet për të forcuar ligjet për të ndaluar anijet e vogla që kalojnë në Kanalin Anglez, duke përfshirë legjislacionin që synon të parandalojë emigrantët të qëndrojnë në vend. Në fokus ishin shqiptarët, atyre që më së shumti iu atribuohet rruga detare e emigrimit të paligjshëm, ndoshta dhe në rol trafikantësh. /tesheshi.com/
