Tragjedi në Nigeri! Rreth 160 persona kanë mbetur të vdekur, si pasojë e shembjes së çatisë së kishës ku ata ndodheshin. Ngjarja e rëndë ndodhi në rajonin Akwa-Ibom.
Sipas të dhnave të para nga dëshmitarët, çatia e kishës në kryeqytetin Uyo ishte ende në ndërtim dhe se punëtorët ishin ende duke punuar.
Një përfaqësues i ekipeve të shpëtimit ka konfirmuar se nga rrënojat e kishës janë nxjerrë trupat e 160 personave, por sipas tij, bilanci pritet të rritet. Në momentin e tragjedisë i pranishëm ishte edhe prefekti i rajonit, Udom Emmanuel, por ai ka arritur të dalë pa u lënduar.
Një tjetër tragjedi e ngjashme ndodhi më 12 shtator të vitit 2014 në Lagos të Nigerisë. Në atë kohë, të paktën 116 persona humbën jetën si pasojë e shembjes së një tjetër kishe, e cila po ashtu ishte duke u restauruar./tesheshi.com/
