Tragjeditë e ujrave të Mesdheut, ku qindra jetë shuhen gjatë udhëtimeve me gomone, nga vendet e tyre drejt brigjeve të Europës, posacërisht atyre italiane, kanë shënuar një rast ekstrem.
Trupat e 23 vajzave nigeriane janë gjetur në një gomone të zhytur në brigjet e Libisë më 3 nëntor, ndërsa 64 persona u shpëtuan prej aty, sipas një raportimi të zëdhënësit të Organizatës Ndërkombëtare të Migracionit (IOM), Joel Millman. Ai tha se numri i të mbijetuarve të gomones ishte rreth 140 persona, ndërsa 50 të tjerë ende nuk janë gjetur.
“Të ballafaquar vetëm me mbetjet e grave dhe vajzave, prefekti i Salerno-s vendosi të hapë një hetim për të sqaruar rrethanat e vdekjeve, duke mos përjashtuar mundësinë që ajo të jetë një rast vrasjesh”, tha Millman.
Ndërsa Federico Soda, drejtor i Zyrës së Koordinimit të IOM-it për Detin Mesdhe, tha se: “Ka shumë të ngjarë që këto vajza të jenë në fakt viktima të trafikimit për shfrytëzim seksual”.
Sipas një raporti të fundit i IOM-it, 80 për qind e vajzave nigeriane që vijnë në Itali nga deti janë viktima të trafikimit. /tesheshi.com/
