Një muzikant kanadez, 44-vjeçari Julien Gauthier, i cili po realizonte një ecje në natyre përgjatë rrjedhës së lumit McKenzie, u sulmua dhe u vra nga një ari.
Siç shkruajnë mediat kanadeze, muzikanti po regjistronte tinguj nga natyra për një projekt të tij, kur, ndërsa ishte duke fjetur u sulmua nga bisha e pyllit, raporton BBC.
Biologia Camille Toscani, e cila po udhëtonte me Gauthier, kontaktoi autoritetet dhe tha se ai ishte tërhequr zvarrë nga një ari në mes të natës.
Policia kanadeze dërgoi një helikopter për të kërkuar kompozitorin dhe e gjeti trupin e tij ditën tjetër.
Orkestra Simfonike Britanike, për të cilën Gauthier punoi si kompozitor, e nderoi me një thënie se ai ishte një “njeri i ndjeshëm, bujar dhe i talentuar”, i cili “ishte shumë inteligjent dhe me një sens aventure”. /tesheshi.com/
