Shënohet një tjetër tragjedi në radhët e emigrantëve libanezë, të cilët kishin si destinacion përmes detit, shtetet evropiane. Një gomone e mbushur me dhjetëra refugjatë u fundos mesditen e sotme në ujërat e kanalit të Sicilisë, ndërsa rojet bregdetare italiane arritën të shpëtonin vertëm 15 prej tyre.
Sipas të dhënave nga “AFP” dyshohet për një numër të madh viktimash, por ende nuk ka një konfirmim të saktë. Mësohet se mjeti lundrues ishte nisur ditën e djeshme, por nuk arriti në destinacion, ndërsa ende nuk dihet shkaku i fundosjes së saj.
Kjo nuk është hera e parë që mjete lundruese që vijne nga vendet e lindjes përfundojnë në fund të detit në kërkim të një jete më të mirë. Një ditë më parë, policia kufitare në Itali arriti të shpëtojë rreth 550 persona, të cilët udhëtonin me 5 gomone./tesheshi.com
