Një ngjarje tragjike ka ndodhur paraditen e kësaj të enjteje në Berat, në fshatin Dyshnik, babë e bir e nip, pra tre veta nga një familje, humbën jetën të asfiksuar në një pus.
Drejtori i policisë së Beratit Hasan Ahmetaj, tha në një deklaratë se “babai ka hyrë i pari 75-vjeç dhe pastaj kanë hyrë për ta shpëtuar djali dhe nipi për ta shpëtuar pa kuptuar se është mungesë totale oksigjeni! Pavarësisht përpjekjeve, të tre arritën në spital pa shenja jete! Është një rast fatkeq, ne do të ndjekim të gjitha procedurat ligjore, nesër do marrim masat e duhura për të respektuar edhe rregullat e COVID-19, Për të mos pasur fatkeqësi të tjera”.
Më konkretisht, fjala është për Kamber, Neim dhe Gentian Hoxhën.
I vetmi që u nxor me shenja jete nga pusi ishte Neim Hoxha, por fatkeqësisht ai humbi jetën në spital, ndërsa dy trupat e Kamberit dhe Gentianit u nxorrën pa shenja jete. /tesheshi.com/
