Lumi “Suva Reka” në Maqedoni ka qenë fatal për tre refugjatë sirianë të cilët kanë humbur jetën, ndërsa 23 të tjerë me shumë vështirësi kanë arritur të shpëtojnë.
Sipas organizatave joqeveritare aktive në terren, incidenti ka ndodhur në mëngjesin e sotëm rreth orës 7:30 në të cilin dy burra dhe një grua kanë humbur jetën, ndërsa 23 persona janë nxjerrë nga uji dhe janë dërguar në qendrën transitore Vinojug ku po marrin ndihmën mjekësore.
Këtë lajm, për Anadolu Agency e ka konfirmuar edhe Ministria e Punëve të Brendshme.
“Tre persona janë mbytur në Gjevgjeli ndërkohë që po punohet në zbardhjen e identitetit të tyre. Ekipet janë në terren dhe po kryejnë hetimet. Për më shumë detatje do të informojmë gjatë ditës”, thonë nga MPB. /tesheshi.com/
