Vajza e zhdukur e një çifti të martuar të vrarë në vitin 1981 u gjet e gjallë më shumë se 40 vjet më vonë.
Vazhdojnë kërkimet për vrasësit e prindërve, njoftoi policia amerikane. Për herë të parë në jetën e saj të rritur, Baby Holly-t iu dha mundësia të përqafonte gjyshen e saj biologjike dhe të afërmit.
Sot, gruaja 42-vjeçare është identifikuar nga ADN-ja si vajza e Tina dhe Harold Clouse, një çift nga Florida, trupat e pajetë të të cilëve u gjetën në Teksas në vitin 1981. Hetuesit janë ende duke punuar për të zbardhur vrasjen e çiftit, duke kërkuar ndihmë publike për zbardhen e çështjes, tha Ndihmës Prokurori i Përgjithshëm i Teksasit, Brent Webster në një konferencë për shtyp, raporton CNN.
Trupat e Tina dhe Harold Clouse u gjetën në vitin 1981 në një zonë të pyllëzuar afër Hjustonit, raporton CNN. Në atë kohë, ata nuk mund të identifikoheshin, por ia dolën vitin e kaluar, me ndihmën e ADN-së. Në momentin e vrasjes, vajza ishte foshnjë. Prindërit u vranë pa e ditur askush se ku ishte foshnja, gjë që hapi një mister 40-vjeçar. Më shumë se 40 vjet më vonë, vajza/gruaja u gjet e gjallë dhe mirë, u njoftua të enjten në Teksas.
Brent Webster e quajti atë “Baby Holly” në një konferencë shtypi. Ajo sot është 42 vjeç.
Hetimi për vrasjen e pazbardhur të çiftit sillet rreth anëtarëve të një grupi fetar nomad që besohet se e kanë sjellë foshnjën në Arizona në kohën e vrasjes së prindërve të saj. Grupi përbëhej nga gra, të cilat lëviznin këmbëzbathur dhe me fustane të bardhë. Njëra prej tyre, e cila u prezantua si motra Suzan, telefonoi gjyshërit e Holly-t për t’u thënë se çifti i martuar Tina dhe Harold i ishin bashkuar grupit të tyre dhe do të ndërprisnin lidhjet me familjet.
Vajza e çiftit të vrarë, Baby Holly, tashmë i është dhënë mundësia të takojë familjen e saj biologjike. Ajo u lidh fillimisht me ta në internet, përmes një telefonate në Zoom të martën, dhe pritet të takohen drejtpërdrejt në ditët në vijim.
“O Zot! E gjetëm! E gjetëm”, është shumë e emocionuar Debbie Brooks, tezja e Holly-t.
Gjyshja Donna Casasanta tha se informacioni se Holly ishte ende gjallë për të ishte një dhuratë e vërtetë nga qielli. Vazhdova të kujtoja se si e mbaja si fëmijë të vogël dhe doja vetëm ta ngrohja, tha Donna Casasanta. Që nga tetori i vitit 1980, ata nuk kanë dëgjuar më për çiftin e vrarë dhe disa muaj më vonë mësuan se trupat e tyre të pajetë ishin gjetur.
Në një deklaratë për shtyp, Donna Casasanta tha se ajo kishte pritur për dekada për një moment për t’u rilidhur me Holly-n.
“Kam më shumë se 40 vjet që jam lutur Zotit dhe ja, përgjigja erdhi me Holly-n”, tha me mirënjohje Donna Casasanta. /tesheshi.com/
