Pasi një anije me migrantë u mbyt në liqenin Van në lindje të Turqisë më 27 qershor, numri i vdekjeve u rrit në 54, tha zyra e guvernatorit pas një kontrolli tre-javor.
Anija, e cila u fundos në 27 qershor, dukej se po transportonte 55 deri 60 migrantë, tha ministri i Brendshëm Suleyman Soylu. Pesë persona u arrestuan në lidhje me këtë incident, raporton Reuters.
Nëntë trupa u tërhoqën nga liqeni të shtunën, duke konfirmuar se 54 njerëz u mbytën.
Pranë kufirit turko-iranian
Liqeni Van ndodhet afër kufirit të Turqisë me Iranin, ku migrantët nga Irani, Afganistani dhe vendet e tjera vijnë rregullisht në Turqi duke shkuar në perëndim drejt Evropës.
Shtatë vetë u mbytën dhe 64 u shpëtuan kur një anije që transportonte migrantë nga Pakistani, Bangladeshi dhe Afganistani u fundos në liqen në dhjetor të vitit të kaluar.
Më shumë se një milion njerëz mbërritën në Greqi nga Turqia midis 2015 dhe 2016. Numri ra ndjeshëm pas marrëveshjes së vitit 2016 midis Bashkimit Evropian dhe Turqisë. /tesheshi.com/
