Një avion është rrëzuar ndërsa i afrohej qytetit të Medelinit në Kolumbi.
Mes 81 personave që gjendeshin në të, 72 prej të cilëve pasagjerë e nëntë personel i ekuipazhit, ka qenë dhe një ekip futbolli nga Brazili.
Chapecoense do të luante ndaj Atletico Nacional-it të Medelinit në finalen e parë të Copa Sudamericana-s. Brazilianët sapo kishin eliminuar argjentinasit e San Lorenzo-s në gjysmëfinale.
Aeroporti i Medelit e konfirmoi faktin se në avion gjendej ekipi brazilian, e se mjeti i fluturimit kishte bërë një ndalesë në Bolivi.
Raportimet e para flasin për të mbijetuar nga aksidenti ajror, si dhe për transportimin e tyre në spitalet më të afërta të zonës.
Nuk është ende e qartë arsyeja e rrëzimit të avionit. Ajo që dihet është se kushtet atmosferike nuk kanë qenë të përshtatshme, pasi Kolumbia është goditur gjatë orëve të fundit nga stuhi të fuqishme. /tesheshi.com/
