Megjithëse vitin e shkuar nuk u mboll kanabis në Shqipëri, rezervat e 2016-ës duket se nuk shterojnë edhe pse çdo dy ditë Guardia di Fincanca kap nga një gomone.
Një episod i tillë ka ndodhur edhe sot, ku policia italiane ka bllokuar 900 kg kanabis, ndërsa ka arrestuar dy shqiptarë.
Vlera e drogës së sekuestruar nëse do të dilte në treg do të kapte shifrën e 8 milionë eurove.
Lënda narkotike ishte nisur nga Mali i Zi, ndërsa shqiptarët e arrestuar janë K.B. 52 dhe B.A. 39 vjeç nga Vlora.
Atajanë nisur nga Vlora në drejtim të Malit të Zi para dy ditësh. Pas sinjalizimit nga policia shqiptare se dy personat ishin të dyshuar për lidhje me trafikun e drogës janë mbajtur në vëzhgim nga malazezët.
Të cilët kanë njoftuar Guardia di Finanza-n.
Policitë e tre shteteve janë koordinuar duke u vendosur në ndjekje të gomones.
Pasi janë pikasur nga Guardia di Finanza në Bari, skafistët e kanë hedhur një pjesë të drogës në det, ndërsa kanë braktisur gomonen dhe janë arratisur.
Disa orë më pas janë arrestuar në një banesë në fshatrat e Puglia-s. /tesheshi.com/
