Prokuroria e Parmas ka ndezur dritën jeshile për të transferuar trupin e Toto Riinës drejt Corleone-s ku do të zhvillohet ceremonia funebër e tipit privat-familjar.
Por siç bën të ditur La Repubblica, zv.prokurori antimafia i DIA-s, (FBI-së italiane), “vdekja e Riina-s nuk do të thotë se ka vdekur edhe mafia.
Faza e post-Riina-s është shumë delikate. Duhet të shohim nëse tek asetet e reja të krerëve mafiozë do të gjejë hapësirë dëshira e një pjesë të organizatës për t’u rikthyer tek aktet terroriste.
Ndaj, në këtë moment shteti do të bënte një gabim të madh nëse do të zbuste masat penale ndaj mafia-s, që kanë dhënë frute të rëndësishme, që janë burgimi i përjetshëm, sekuestrimi i pasurive etj. Këto sinjale do të interpretoheshin nga mafiozët si tërheqje”, thotë di Matteo.
Sipas kreut të prokurorisë italiane, edhe pse tani ka ndryshuar drejtimi i luftës antimafia, dukshëm kundër N”Drageta-s kalabreze, e cila është më e fortë ekonomikisht, Cosa Nostra, thekson di Matteo, “ruan sekretet e së kaluarës, që janë një aset i rëndësishëm për të shantazhuar politikën”. /tesheshi.com/
