Skuadra e Torontos shpallet kampion për herë të parë në histori, duke fituar kampionatin amerikan të futbollit që luhet me këmbë (soccer). Kanadezët ia kanë dalë të hakmerren ndaj Sounders, skuadra që “iu mori nga dora” titullin një vit më parë, pas gjuajtjes së penalltive.
Kësaj radhe ka triumfuar skuadra ku luan dhe italiani Gionvinco, protagonist absolut i ndeshjes finale. “Bërthama atomike” siç njihet ndryshe italiani shtatshkurtër, ka dhënë topin për golin e parë të Altidore, si edhe ka nxjerrë në pozicion gjuajtjeje Cooper, që gjuajti në shtyllën, pas të cilës Vazques shënoi golin e dytë.
Mes entuziazmit, vetë Gionvinco njoftoi edhe qëndrimin në Toronto, pavarësisht ofertave të shumta europiane që ka marrë. Me 17 gola në 29 ndeshje, fantazisti ka qenë protagonist në fitoren historike të Torontos, duke i dhënë sinjale, kujtdo trajneri që do të drejtojë kombëtaren italiane. /tesheshi.com/
