Të paktën pesë persona u plagosën në një të shtëna të shtunën mbrëma pas lutjeve në një xhami në zonën e Torontos në Kanada.
Zëdhënësi i Departamentit të Policisë së Torontos, David Rydzik tha se sulmuesit hapën zjarr nga makina ndaj një grupi njerëzish që kishin mbaruar së luturi në lagjen Scarborough.
Të paktën gjashtë të shtëna janë qëlluar, por nuk dihet se sa persona janë përfshirë në to.
“Ne nuk mund të themi nëse viktimat ishin në shënjestër për shkak të besimeve të tyre fetare,” tha Rydzik.
Ndërkohë, Nadeem Sheikh, një anëtar bordi i Shoqatës Myslimane Scarborough, tha se ishte i shqetësuar për të shtënat.
Ai u bëri thirrje autoriteteve të bëjnë të pamundurën për të ndjekur penalisht autorët, duke shtuar se duhet të ndërmerren më shumë hapa për të luftuar dhunën. /tesheshi.com/
