Juventusin e ndalon vetëm matematika të festojë fitimin e titullit të shtatë rresht në Serinë A.
Barazimi 2-2 i Napolit këtë pasdite në shtëpi me Torinon i lë napolitanët gjashtë pikë pas “Zonjës së vjetër”.
Kur duhen edhe dy javë nga mbyllja e kampionatit, golavarazhi mund të vendosë gjithçka midis Juventusit dhe Napolit nëse torinezët nuk marrin asnjë pikë dhe napolitanët i fitojnë të dy takimet e mbetura.
Edhe në këtë rast, Juventusi është me një golavarazh +16 më të mirë se ndjekësit në vend të dytë.
Juventusi fitoi mbrëmë 3-1 ndaj Bolonjës, ndërkohë që Napoli barazoi sot me Torinon edhe pse kaloi dy herë në epërsi.
Napolit i duhet kështu të presë përsëri për të fituar një titull kampion; diçka që e kërkon prej vitesh.
Në barazim 1-1 u mbyll derbi i dy portierëve shqiptarë, Strakoshës dhe Berishës. Lacio mbetet përkohësisht në vend të tretë, por mund të zbresë në të katërtin nëse Roma fiton sonte.
Atalanta qëndron me këtë barazim në luftë për vendin e gjashtë, që i siguron pjesëmarrjen në Europa League sezonin e ardhshëm. /tesheshi.com/
