Ish-nr. 2 i PD-së, Bamir Topi, nga fakti që me profesion veteriner, i është qasur me gjuhën mjekësore asaj që vuan ish-partia e tij sot, duke marrë dhe një atribut profesional të Berishës si ish-doktor.
Në një intervistë për Neës 24, duke komentuar humbjen e sërishme të demokratëve, Topi argumentoi:
“Unë do të kërkoj në një farë mënyrë që të përdor një metaforë nga fusha e mjekësisë. Bëhet fjalë për një organizëm të sëmurë, zoti Basha përfaqëson shenjën e dhimbjes, ndërsa vatra e dhimbjes është diku tjetër.
Kam parë te PD, tek njerëzit që kanë dalë pas humbjes, që janë grupuar në dy drejtime, nga njëra anë për të rrëzuar Bashën. dhe e dyta; nxitimi i një pjesë për të mbrojtur apriori Bashën.
Të dy palët, qoftë ata që janë përjashtuar në 20017, qoftë ata që s’janë pjesë e listës tani, kanë mungesë sinqeritet, hipokrizi, shkojnë e hedhin shigjetat diku tjetër. Vatra është Berisha!”, tha njëherësh ish-presidenti i vendit.
Topi kritikoi gjithashtu dhe vjimin e PD-së me dy gishta, duke iu qasur llojit të takimeve të Bashës në hyrje të çdo qyteti.
“Jo gjithmonë grumbullimet janë indikatorë të fitores. Është tipar i takimeve të PD dhe i së djathtës, që sjell entuziazëm, e bazon tek aparenca e anës psikologjike.
Sot mbas gati 30 vitesh jemi në të njëjtën shfaqje. Gjerat sipas meje duhet të kishin ndryshuar, edhe nga pikëpamja e demonstrimit. Sikurse është lidershipi i ri, forma dhe përmbajtja e fushatës duhet të jetë tjetër gjë. Është e njëjta skenë.
Dy gishta lart, hip mbi makinë. 50 njerëz që të krijojnë atmosferën sikur janë 5 mijë njerëz dhe asgjë më shumë”, komentoi Topi. /tesheshi.com/
