Bota e futbollit do të dorëzohet sërish para argjentinasit, Lionel Messi, që është favoriti kryesor për ta fituar për herë të pestë në karrierë, çmimin për futbollistin më të mirë në botë, ndryshe siç njihet “Topin e Artë”.
Kurorëzimi i suksesshëm i sezonës dhe falë statistikave fantastike të vitit që sapo lëmë pas, e bën “pleshtin” favorit para dy finalistëve të tjerë, Ronaldos dhe Neymarit.
Nuk është vetëm çmimi i lojtarit më të mirë që mund të përfundojë në palmaret e Lionel Messit. Argjentinasi, gjithashtu do jetë në podiumin e tre finalistëve për të fituar çmimin e golit më të mirë të vitit, pas një kryevepre të shndërruar në gol, në duel me Athletic Bilbaon, në kuadër të finales së Kupës së Mbretit. Alessandro Florenzi dhe Wandell Lira, do rivalizojnë sulmuesin e Barcelonës, për të fituar këtë trofe.
Në këtë mbrëmje, pritet të bëhet edhe zgjedhja e trajnerit më të mirë të vitit, me trajnerin e Barcelonës, Luis Enriquen, favoritin kryesor për ta fituar këtë çmim.
/tesheshi.com/
