Ish-presidenti Bamir Topi, sot kreu i FRD-së, partisë që themeloi sapo la Presidencën, tha se asgjë nuk mund ta bashkojë më këtë në botë me Sali Berishën.
Gjatë një interviste në emisionin Vila 24, Topi, ish-nr. 2 i PD-së dhe njëri nga ish-bashkëpunëtorët më të afërt të tij në afro 20 vite, tha se ai (dhe nuk ia përmendi emrin për asnjë çast), “doli nga shtrati i marrëdhënieve normale dhe rrëshqiti në deklarata që njeriu normal nuk i bën.”
Siç dihet, pas ngjarjeve të 21 janarit, Berisha e akuzoi Topin president si puçist.
Më tej, Topi i njohu ish-kryesocialistit Nano meritën e tij për zgjedhjet president, kur ndikoi me votat e 6 deputetëve nga PS-ja, e drejtuar atë kohë nga Edi Rama. “I jam publikisht mirënjohës për xhestin e tij”, tha Topi. /tesheshi.com/
