Jozefina Topalli, ish-kryetare e Kuvendit, përmes një komenti në rrjetet sociale, ka zbardhur diskutimet dhe debatet në dy mbledhjet e zhvilluara nga grupi parlamentar demokrat, pas votimit të Gramoz Ruçit në postin e kryeparlamentarit. Topalli ka ashpërsuar tonet e kritikave ndaj Bashës, duke e cilësuar gënjeshtar dhe hipokrit.
Komenti i Jozefina Topallit
Në mbrojtje të së vërtetës.
Dje Basha pas mbledhjes se grupit shpërndau në media një deklaratë që kishte dhe fjalinë: “kush shet votën nuk do të ketë vend në grupin tonë parlamentar.”
Kjo është një tjetër gënjeshtër, perveçse hipokrizi e Lulzim Bashës. Këtë e konfirmon qëndrimi i vete LB.
Pas votimit të kryetarit të Kuvendit edhe me votat e PD ka patur dy mbledhje.
E para është bërë me kryesinë e Grupit parlamentar, ku merr pjesë kryetari i listës , nënkryetarët dhe kryetarët e komisioneve parlamentare, dhe diskutohen qëndrimet politike që duhet te diskutohen në grup.
Kjo ka zgjatur rreth 1 orë. Në këtë mbledhje Basha për asnjë rast, në asnjë sekond nuk ka ngritur çështjen e votimit të Ruçit edhe me vota nga PD .
Ai jo vetëm nuk ka shprehur asnjë qëndrim , por nuk ka patur asnjë fjalë dhe asnjë shqetësim për shitjen e votës të grupit të tij (që në seancën e parë).
E njëjta sjellje ka vazhduar edhe në mbledhjen e grupit, ku kanë folur për hava: kane folur për strategji komunikimi, për muhabete kafeje, për dokrra hini, por jo për politikë dhe as për votat që i dhuruan Rucit..
Njëlloj si në mbledhjen e parë, Luli përsëri ka heshtur si fija e barit deri kur Berisha ka ngritur çështjen.
Kjo është e vërteta.
Çdo fjalë e tij pas kësaj është e gënjeshtër; çdo qëndrim i tij më pas është i rremë. Sjellja e tij është krejt hipokrite.
Ajo shpreh edhe një herë krizën e thellë morale në lidershipin që mban siglën e PD.
Disave kjo gënjeshtër mund t’i duket e vogël; dmth thjeshtë një rrenë mes shume të tjerave ,por për mua është shume më tepër.
Të gjithë e dinë se Basha nuk ka respekt për të vërtetën.
Por e vërteta është baza e përbashkët, nga e cila ndërtohet çdo gjë. Në të kundërt gjëja shembet, siç po ndodh në fakt.
Ndershmërisht raporti me të verteten është baza e karakterit.
Ne e dimë se edhe politikanë të tjerë genjejne, por Lulzim Basha është një kategori ndryshe.
Politikanët e tjerë edhe bëjnë përpjekje për ruajtjen e reputacionit.
Luli gënjen edhe për vetë “gëzimin” e rrenës….
Kësaj radhe ai po e përdor skandalin edhe për të kercenuar grupin, me synim kontrollin personal të tij.
Sjellja e tij është tipike e njerëzve që nuk frymëzojnë, e atyre pa lidership moral, pa asnjë parim , të pa aftë për të udhëhequr, modelin e të cilit e kemi vuajtur për gjysëm shekulli.
Një shkarravinë e këtij modeli është tepër për shqiptarët në 2017.
Dhe për këtë do paguajë vendi deri sa të bëjë zgjidhje .
Për sa kohe një kryetar i rremë të qëndrojë në krye të opozitës , Edi Rama do sundojë pa asnjë problem. /tesheshi.com/
