Jozefina Topallit i ka ardhur edhe njëherë rasti të numërojë akuzat ndaj Lulzim Bashës, pasi dy deputetë të PD-së, votuan pro kandidaturëssë Gramoz Ruçit si kryetar i Kuvendit.
“Nuk besoj të ketë votuar Lulzim Basha për Ruçin se do ishte nepotizëm. Do bëhesh kryeministër ti?! Ty të vjedhin votat në Parlament”, janë disa nga kritikat që Topalli ka numëruar ndaj Bashës përmes një komenti në rrjetet sociale.
Ajo shkruan se personalisht nuk është e habitur nga ajo se çfarë ka ndodhur, pasi Lulzim Basha nuk e surprizon më. Sipas ish-numrit dy në PD, vetë ajo e ka parë kryetarin e selisë blu që të luajë qindra lloje teatresh, nga opozitari që më pas i jep dorën Ramës, tek “Zhuljeta” që thotë se nuk do të votojë komunistin Gramoz Ruçi.
Por sipas Topallit, ajo që ndodhi dje është një paralajmërim i qartë, jo vetëm për PD-në, por për mbarë vendin. Topalli shkruan se Shqipëria ka mbetur pa opozitë!
Komenti i Jozefina Topallit
Kjo nuk është Partia Demokratike!
Vendi është pa opozitë!
Menjëherë pas betimit si deputetë, lista e deputetëve të familjes së Lulzim Bashë Isufit, kontriboi në zgjedhjen me 80 vota të Gramoz Ruçit, kryetar të Kuvendit të Shqipërisë, 27 vite pas rrëzimit të komunizmit.
Reagimi i demokratëve në rrjetet sociale ka qenë një fortunë.
Dikush i shkruante:”nuk besoj të ketë votuar Lule Basha për Ruçin se do ishte nepotizëm”.
Dikush tjetër “hera e parë në historine e vendit që një opozitë jepet me konçension nga një sharlatan”.
Tjetri: “nëse ky lajm është i vërtetë dhe janë shitur qysh sot 3 deputetë të opozitës, atëherë nuk është faji i Edvinit por i PD që i është thyer busulla morale”.
Të tjerë: “do bëhesh Kryeministër ti?! Ty të vjedhin votat në Parlament”.
Nëse ambasadori amerikan bojkotoi Ruçin po ti pse nuk e bojkotove?”
Në fakt une nuk u habita që lista e lulit votoi Ruçin.
Prej shumë vitesh , Luli nuk më zhgenjen për asgjë: nuk më zhgënjen.
As kur qan me lot krokodili për të vraret e diktaturës. As kur betohet për opozitë ballore dhe flirton me Ramën, as kur proteston për votën e lirë , hyn në qeveri me kryeministër Ramën dhe vetë vjedh votat brenda PD; as kur çon PD në humnerën me minus 230 mijë vota dhe thotë realizuam një fitore morale; as kur voton Ruçin e fill pas kësaj i bashkohet atyre që protestojnë kundra këtij të fundit. As kur thërret me shërbëtoret e tij gaztore se ia vodhën 3 vota nën reflektorët e dritave të seances parlamentare, nën xhirimin e 20 kamerave në transmetim direkt, në sy të 3 milionë shqiptarëve dhe me prezencen e pothuaj gjithë trupit diplomatik. As kur e shet dhe e rishet atë që ka mbetur nga PD.
Luli nuk më zhgenjen kur thotë ekzaktësisht të kundërtën e asaj që do të bëjë.
Luli luan të gjitha rolet teatrale.
Por ai luan dhe role serioze – Nga Zhulieta e Shekspirit, Don Kishoti i Servantesit… .deri tek kryetari i ” opozitës” dhe nuk ka frikë se bëhet Lul Komiku.
Lulin dhe familjen e tij Isufi nuk e lidh asgjë me PD.
Ata nuk kanë patur kurrë lidhje me këtë forcë politike deri në 2005.
Dhe që nga ky vit, ai i vetëm e ka vjedhur atë deri më: 17-18 maj kur kreu aktin e tradhëtisë ndaj demokratëve, më 21 maj kur shpalli si Sulltan Bashë Isufi listën e familjes dhe klientëve të saj; më 22 korrik kur vodhi karrigen e kryetarit dhe vulën e PD përmes fallsifikimit të votave e pjesëmarrjes.
E deri dje, kur i dhuroi Ruçit 3 vota nga lista e tij .
Kur kryetari shet vendet e listës së deputetëve , edhe deputetit i duket se ka të drejtë të shesë votën e tij.
3 muaj më parë Luli çertifikoi shkrirjen e së djathtes . Dje “opozita” e tij votoi simbolin e komunizmit.
Jo miq, nuk ka humbur dje busullën morale PD.
Kjo nuk është PD. Vendi është pa opozitë.
Edvin Rama nuk ik nga pushteti sa kohë në krye të opozitës do jetë çuni i tij i mirë.
Demokratët duhet të largojnë Lulzim Bashën nga karrigia e uzurpuar me vjedhje e fallsifikim votash, pas shitjes që i bëri PD dhe rezultatit katastrofik të 25 qershorit. /tesheshi.com/
