Ish-nr.2 i PD-së, Jozefina Topalli, ka sulmuar ashpër njeriun që prej 7 vitesh drejton partinë e saj, prej së cilës është shkëputur, pra Lulzim Bashën, prej së cilit u la jashtë nga listat e deputetëve të 2017-ës, një goditje e rëndë politike për të.
Duke kundërshtuar procesin e përzgjedhjes së kandidatëve, ku janë angazhuar dhe emra si Genc Ruli apo Besnik Mustafaj, znj.Topalli thotë se reformimi i PD-së nis nga largimin i Bashës në krye të saj, duke përdorur për të dhe variantin me iniciale LB, një sajesë Ramës.
“Partia nuk demokratizohet as me formularë, as me komisione. LB ka përçarë e shkatërruar PD-në. Ai nuk beson në asnjë parim të partisë që lindi 3 dekada më parë. Në këto kushte, nëse vërtet do donte largimin e Edi Ramës, LB duhet të largohet nga kryetari i partisë.
Me një drejtim të ri të gjithë do bashkoheshin realisht pa formularë dhe pa komisione, dhe Rama nuk do të kishte më shans për të drejtuar vendin”, tha Topalli në një prononcim për TCH.
Ajo vetë nuk pranuar të plotësojë asnjë formular kandidimi, duke mos u joshur nga procesi ku pretendohet një “frymë e re” në PD. /tesheshi.com/
