Duke qenë kritike e ashpër e Bashës, ish-nënkryetarja demokrate Jozefina Topalli tha se Rama do vijojë të jetë në krye të qeverisjes gjersa PD të vijojë me këtë lidership.
“Për sa kohë të jetë Lulzim Basha, Edi Rama do të jetë në qeveri”, tha Topalli në Top Talk në TCH.
Ajo beson se forca e themeluar prej saj, Lëvizja për Ndryshim, do mund të sjellë shpresë.
“Lëvizja për Ndryshim është për të sjellë shpresën në vendin tonë.
Në një përpjekje jo të lehtë kemi ndërmarrë krijimin e kësaj lëvizjeje, nuk është një parti, por do të shkulë sistemin e tre kryetarëve, pasi ata nuk janë të përjetshëm.
Qytetarët e kanë të qartë që me votën e tyre mund të bëjnë diçka.
Nëse shqiptarët janë të kënaqur ok le t’i votojmë ata, por unë besoj në reagimin e tyre dhe ndoshta është momenti që pas 3 dekadave duhet të mbyllin ciklin”, tha Topalli. /tesheshi.com/
