Duket se lënia jashtë parlamentit, për shkak të mos përfshirjes në listat e kandidatëve për deputet të PD-së, i ka dhënë më shumë kohë të lirë, Jozefina Topallit, e cilësuar si “gruaja e hekurt” e PD për rreth 20 vite.
Ish-nënkryetarja demokrate nga 1997 dhe për 8 vite kryetare e Kuvendit, pas 6 legjislaturash e pa veten jashtë Parlamentit. Dhe pavarësisht deklaratave dhe keqardhjes së shprehur për ndërprerjen e karrierës politike, për paktën në këtë legjislaturë, prej disa fundjavash, Topalli poston foto në rrjetet sociale ku ajo shfaqet sëbashku me familjen e saj duke pushuar.
Së fundmi Topalli ka bërë të ditur se po kalon fundjavën në një fshat pranë Shkodrës. E veshur me elegancë dhe me të zeza, ish-kryetarja e Kuvendit ka pozuar në një fushë, që sipas komentit që bën vetë, është pjesë e liqenit të Shkodrës. Përballë saj ndodhet një viç, që ka shkaktuar jo pak humor në komentet e ndjekësve të Topallit në rrjet./tesheshi.com/
