Ish-nr. 2 i PD-së, njëherësh ish-kryeparlamentarja Jozefina Topalli, i ka thënë “Po” një bashkëpunimi me Ramën, sigurisht në kontekst moral, duke i dhënë kështu një goditje ish-partisë së saj drejtuar nga Basha.
“Bashkëpunimi shumë i rëndësishëm, kur është fjalë për jetën dhe mbijetesës, sigurisht që aty nuk ka vend për të bërë politik. Në këtë aspekt do kisha ofruar bashkëpunim, duke kërkuar edhe masat të reja më të forta, jo duke e përdorur COVID-19 për karrigen e pushtet. Nuk do rri e heshtur, do flas për secilin nga ato“, tha Topalli në një intervistë për A1 Report.
Ky qëndrim i saj vjen një ditë pas kreu i mazhorancës përcolli një ftesë bashkëpunimi në adresë të kreut të opozitës, por që u refuzua nga ky i fundit.
Njëherësh, znj.Topalli goditi dhe gruan që drejton Shkodrën, Voltana Ademin, duke thënë se si do kish vepruar ajo nëse do ishte kryebashkiake e qytetit të saj. “Do shkoja lagje më lagje, kafe më kafe, dhe do iu isha lutur që të respektonin masat, nuk do lejoja që tregjet të ishin ashtu, por do kisha punuar që tregjet të kishin standarde”, tha Topalli.
Kujtojmë se Shkodra, e kthyer në një vatër të nxehtë epidemike, ka marrë dhe një kontekst të fortë politik nga kjo, pasi është aluduar se njerëzit janë nxitur qëllimisht për të thyer masat izoluese të diktuara nga qeveria. /tesheshi.com/
