Jozefina Topalli nuk i ka kursyer kritikat e ashpra dhe ironizimet ndaj Lulzim Bashës, në lidhje me raportin e ministrave teknikë mbi zgjedhjet e 25 qershorit.
Ajo i sugjeron kreut demokrat që të heshtë për zgjedhjet parlamentare, pasi më 22 korrik ai vodhi votat e demokratëve në proçesin për kryetar të PD-së.
Ish-kryeparlamentarja gjithashtu shprehet se Lulzim Basha kishte dy opsione para zgjedhjeve: bojkotimi i tyre, ose hyrja në to me një rezultat të sigurt.
Komenti i plotë
Ka disa javë që askush nuk di ku është Lulzim Basha. Gjëja duket është shumë sekrete.
Por sot edhe pse prap me pushime, ai u shfaq ne FB duke komentuar raportin për zgjedhjet të ministrave të tij teknike.
Unë nuk kam nevojë të lexoj raporte teknikësh, sepse kam bindjen se në zgjedhjet e fundit politike, jo punësimet por parate e drogës kanë blerë edhe vota.
Por po ashtu di që kjo nuk përmbys rezultatin skandaloz të Bashës më 25 qershor.
Kisha kuptuar prej kohësh se ai nuk kishte ndonjë preokupim të madh për kauzën e zgjedhjeve, ndaj gjatë 4 viteve të shkuara , bashkë me disa kolegë i përsëritnim dhe sugjeronim që të mendonte seriozish për të, por në fakt vetëm mihnim në ujë.
Natyrisht ai e kishte një plan në kokë.
I vetmi koncept që ai ka ishte: ose të mos hynte në zgjedhje nëse nuk ishte fitorja e garantuar ose Pazari.
Me këtë gjë në krye, ai hyri në çadër në fillim duke kërkuar dorën e Metës dhe doli nga çadra duke rrokur Ramën.
Pas 18 majit nuk pat asnjë fjalë , asnjë shqetësim dhe asnjë vërejtje për zgjedhjet.
Në fushatë asnjë fjalë kundra Ramës, dhe asnjë fjali për blerje votash.
Pas 25 qershorit asnjë ankesë, asnjë fakt, asnjë provë nuk dorëzoi as në KQZ dhe as tjetërkund.
Anëtarët e opozitës në KQZ votuan unanimisht rezultatin e 25 qershorit.
Në asnjë qendër votimi, në asnjë zonë elektorale nuk pati asnjë shënim, asnjë vërejtje nga anëtarët ( numruesit) e opozitës.
Përkundrazi, LB dhr ER përmes të besuarve të tyre kishin urdhëruar Administratën zgjedhore që te mos kishte asnjë debat dhe asnjë kundërshti mes tyre. Me urdhër nga dyshja Rama- Basha ata duhej të votonin me unanimitet. Dhe ashtu u bë.
Rama mori më shume nga çfarë mendonte dhe Basha më pak nga çfarë kishte llogaritur.
74 mandatet e Ramës hodhen në erë projektin për të bashkëqeverisur, por Lulzim Basha qëndroi deri në fund me shpresë se Rama do e fuste në qeveri.
Deri këtu s ka asgjë që nuk dihet.
Shitja e opozitës është njëra anë e Bashës. Ana tjetër është manipulimi i zgjedhjeve vetë brenda PD prej tij. Ndaj dhe ndoshta do kishte qenë më mirë që edhe sot të pushonte.
Lulzim Basha ka vjedhur karrigen e kryetarit të PD përmes manipulimit të pjesëmarrjes së anëtarësisë së PD me 22 Korrik.
Me 22 korrik mbi 70% e anëtarësisë së PD kanë bojkotuar Bashën sepse kanë kuptuar se ai i kishte shitur interesat e demokratëve dhe të vendit.
Dhe kjo jo me fletërrufe si të teknikëve të Lulit, por me prova , fakte e video.
Manipulimi ishte aq i madh sa u bë dhe qesharak. Sipas vetë shifrave të tij i binte që me 22 korrik të kishin votuar për 12 orë rresht pa nderprerje çdo 18 sekonda nga një demokrat.
Shkodranët thonin se Luli e mbajti premtimin . Me 22 korrik ai realizoi votim elektronik.
Në fakt me atë shpejtësi i binte votim supesonik, si ata që vetem Luli din t’ i bëjë. /tesheshi.com/
