Ka rënë në prangat e policisë italiane bosi i mafias Kalabreze Ndragheta, Marcello Pesce, i cili është edhe kreu i klanit mafioz Rosarno, një nga klanet më të fuqishme të Ndraghetas.
Mediat italiane bëjnë me dije se Marcello u arrestua rreth orës 05:00 të mëngjesit, ndërsa prej disa kohësh fshihej në një apartament në qendër të komunës së Rosarnos në provincën e Rexhio Kalabrias.
I konsideruar një nga bosët më të rëndësishëm të mafias kalabreze, Marcello Pesce i datëlindjes 1964, i njohur me nofkën “u ballerinu” administronte aktivitetin e klanit të mafias kalabreze në trafikimin e tonelatave me drogë nga Europa drejt Italisë.
Bosi mafioz ishte shpallur në kërkim që prej 26 prillit të vitit 2010, kur kish mundur t’i shpëtonte operacionit policor “all inside” falë një sms të mbërritur në telefonin e tij pak minuta para se forcat e policisë të ndërhynin për ta arrestuar.
Marcello Pesce ishte i dënuar në mungesë me 16 vjet e 8 muaj burg me akuzën e organizmit e pjesëmarrjes në aktivitet mafioz e trafik ndërkombëtar droge./tesheshi.com/
