Tomor Alizoti, ndër të hatërmbeturit e mëdhenj me Bashën pasi lënies jashtë listës për deputet, krahas emrave si Topalli, Patozi e Bregu, ka reaguar ashpër ndaj partisë së tij, PD-së, e padyshim kryetarit të saj, lidhur me atë që përfolet se qeveria do të anullojë dhënien e dëmshpërblimit për një kategori nga të përndjekurit.
“Në mënyrë të shëmtuar duke dëshmuar urrejtjen dhe përçmimin e Partisë së Punës nga e cila vjen, qeveria shqiptare shpalli se do të dëmshërblejë vetëm ata që janë gjallë dhe jo trashëgimtarët e atyre që u vranë, burgosën, torturuan, masakruan nga komunizmi. Ky vendim poshtërues i qeverisë shqiptare po kalohet në heshtje edhe nga Partia Demokratike e cila është e mbushur me njerëz të cilët nuk kanë asnjë ndjeshmëri ndaj viktimave të komunizmit. Në partinë e sotme demokratike gjen liberalë të majtë, ish-komunistë, familjarë ish komunistësh të zellshëm dhe të rëndësishëm, gazetarë të ish Zërit të Popullit apo mediave të tjera të komunizmit, familjarë të njerëzve që kanë punuar në Institutet e Nexhmije Hoxhës. Gjen njerëz që janë në PD sepse aty gjetën një mundësi për të qenë në politikë por mund të ishin me shumë dëshirë edhe në PS-në që mori këtë vendim. Kjo nuk është vetëm trishtuese por edhe shkatërruese për vetë Partine Demokratike!Nderkohe Lulzim Basha hesht…”, shkruan demokrati nën zhgënjim.
Tomor Alizoti është një ndër pinjollët e Alizotajve, një prej fiseve më të përsekutuara në kohën e komunizmit, gjithashtu dhe më intelektuale. /tesheshi.com/
