Të kesh portier sot Tomas Strakoshen, duhet t’i tundësh 5-6 milion euro. Portieri shqiptar i Lazios, që më shumë gjasa do të jetë titullar në qytetin italian, ka një ngritje të shpejtë të vlerave profesionale, të cilat “përkthehen” edhe me rritje të vlerës financiare të kartonit të tij.
Strakosha, vlerësohet maksimalisht në Itali, pavarësisht se luajti gjysëm sezoni si titullar. Në 25 ndeshje në Seria A, shqiptari 21 -vjeçar e ka ruajtur të paprekur portën në 7 prej tyre, ç’ka e kuoton ndër portierët më të mirë të pjesës së dytë të sezonit. Pra në 28 përqind të ndeshjeve, Strakosha nuk ka lejuar top t’i kalojë pas shpine.
Kjo e ka bërë shqiptarin të pëlqehet shumë në Romë, ndërsa presidentin e Lazios, Lotito, t’i bëjë gati kontratë më të mirë me klauzolë më te lartë shitjeje. Pas kësaj performance të Strakoshës, ish-titullarit Marcheti, ose do t’i duhet skuadër e re për të luajtur në formacion, ose duhet të mësohet me “ngrohtësinë” e stolit të rezervave. /tesheshi.com/
