Në vijim të shkrimeve gjysmëidiote mbi idenë po aq të tillë mbi shtetin bektashi në Shqipëri, ose ndryshe i ashtuquajturi “Vatikan mysliman”, është La Repubblica që shkruan së fundi mbi këtë projekt plot pikëpyetje të Ramës, ku që në fillim abzohet rëndë me kumtet hyjnore në Kur’an, më saktë fjalën e Zotit.
“Para një Kur;ani shekullor, Baba Mondi u ofron vizitorëve të tij çaj, kafe dhe raki – në atë që mund të bëhet shteti më i vogël në botë, një lloj ‘Vatikani mysliman’.
Kurani thotë: pini dhe hani çfarë të doni, por pa e tepruar. E jona është fe e paqes dhe përparimtare”, buzëqesh i qetë ish-oficeri i ushtrisë shqiptare, Edmond Brahimaj, 64 vjeç, fetari mysliman i cili që nga viti 2011 ka qenë udhëheqës shpirtëror i bektashinjve…”, e citon gazeta e njohur italiane Baba Mondin, i cili, nëse ka thënë tekstualisht kështu, ka spekulluar më rëndë, pasi verseti kuranor nuk e përmban frazën “çfarë të doni”, shtuar pra nga Baba Mondi.
Verseti është ky:
“O bijtë e Ademit, vishuni bukur për çdo namaz (lutje), hani dhe pini e mos e teproni, pse Ai (All-llahu) nuk i do ata që e teprojnë (shkapërderdhin)”.
La Repubblica vijon më tej me mufka të ngjashme, duke patur si referencë Baba Mondin, i cili përkundër klerikëve të tjerë në Shqipëri, përfshirë dhe ata të krishterë, nuk rrezaton as shkollim, as intelektualitet e as personalitet.
Mes shumë idiotësive në shkrim, thuhet se “propozimi i Ramës ka marrë mbështetjen e përfaqësuesve të komunitetit sunit – shumica në vend, të njohur edhe për moderimin dhe bashkëjetesën laike me katolikët dhe ortodoksët”.
Po cila qenka kjo shumicë kur qartazi komuniteti i besimtarëve muslimanë nuk e pranon këtë medemek shtet bektashi, aq më tepër spekullativisht në emër të promovimit të harmonisë fetare, ku vetë muslimanët kanë qenë e janë promotorë e kultivues të kësaj vlere në shoqërinë shqiptare?!
“Shteti ynë është Shqipëria dhe ne jemi të vetmit përfaqësues të fesë islame”, citohet të ketë thënë lavdërueshëm kreu i KMSH-së Bujar Spahiu.
Më tej, Ferdinand Samarxhi, gazetari i akviteteve fetare në vite, cilësohet “ekspert fetar”(!) dhe i merret mendim. Dhe ajo që thotë t’i ngre leshrat e kokës përpjetë.
“Ideja e Ramës është të japë një përgjigje strategjike ndaj ekstremizmit në rritje globale dhe intolerancës fetare duke promovuar një interpretim paqësor të Islamit”, citohet të ketë thënë Samarxhi. /tesheshi.com/
