Është bërë publike një video shokuese e përplasjes së tmerrshme të një ambulance në Indi ku humbën jetën katër persona.
Në ambulancë ishin katër persona (shofer, pacienti dhe dy shoqërues). Të gjithë pësuan një vdekje tragjike, sipas policisë, kur shoferi humbi kontrollin dhe u përplas me një kabinë pagese. Aksidenti i tmerrshëm trafiku ka ndodhur dje, të mërkurën.
Në pamjet e kamerave të sigurisë, të postuara gjithashtu në Twitter nga një mjek, persona që duket se janë roje sigurie vrapojnë shpejt për të hequr barrierat plastike nga një prej korsive.
Dhe siç është regjistruar në videon përkatëse, ambulanca rrëshqet në rrugën e lagësht, duke u përplasur në kabinën e pagesës. /tesheshi.com/
