Mbytja e anijes çisternë iraniane në brigjet e Kinës vazhdon të mbizotërojë si lajm kryesor në mediat botërore, që prej pasdites së sotme.
Anija Sanch ka shpërthyer, pasi është mbytur në bregun lindor kinez në afërsi të portit të Shangait duke përhapur një re të dendur tymi që ka nxirë të gjithë zonën.
Flakët janë rrethuar nga ndërhyrja e dy anijeve kineze pastrimi nafte, të cilat kanë vepruar me intensitet.
Siç bën të ditur agjencia kineze Xinhua, anijet kineze kanë hedhur në det agjentë kimikë për të shpërbërë naftën që ka nisur djegien dhe po ndot zonën, duke rrezikuar faunën e florën nëndetare.
Flakadani i naftës së provokuar nga anija iraniane ka arritur rreth 1 kilometër katror, por qeveria kineze ka rrethuar një zonë rreth 100 kilometra ku nuk lejon asnjë mjet lundrues që të afrohet.
Djegia e çisternës ishte epilogu i lajmit që u botua pak ditë më parë edhe tesheshi.com, mbi mbytjen e anijes iraniane ku qeveria kineze i quajti zyrtarisht “të humbur” 29 pjesëtarët e ekuipazhit.
Në operacionin e shuarjes së flakëve kanë marrë pjesë ekipe nga Kina, Korea e Jugut, Japonia dhe Shtetet e Bashkuara të Amerikës. /tesheshi.com/
