Shpërthimi me intensitet të frikshëm që ndodhi të mërkurën në një rrugë në Johanesburg të Afrikës së Jugut si pasojë e të cilit një person humbi jetën dhe 48 u plagosën është regjistruar nga një kamera sigurie.
Shpërthimi ka qenë aq i fuqishëm sa siç shihet në video, një furgon, një taksi dhe një makinë që ndodheshin në rrugë janë hedhur në ajër.
At least one person was killed and dozens injured after an explosion hit Johannesburg's central business district, toppling minibus taxis, creating a crack in the road and sending pedestrians running away from the blast. The cause of the explosion has not yet been confirmed pic.twitter.com/7LOugWZcHc
— Reuters (@Reuters) July 21, 2023
Për momentin, megjithatë, shkaku i shpërthimit mbetet i panjohur, me autoritetet e Johanesburgut që u bëjnë thirrje qytetarëve që të shmangin zonën nga frika e një shpërthimi tjetër të ngjashëm.
Një skenar, i cili nuk është konfirmuar megjithatë, është se shpërthimi u shkaktua një rrjedhje në një tubacion nëntokësor të gazit natyror.
Disa persona kanë mbetur të bllokuar në automjetet e tyre nga shpërthimi dhe është dashur ndërhyrja e zjarrfikësve për lirimin e tyre.
Kompania Egoli Gas që administron rrjetin e gazit natyror në Johanesburg njoftoi nga ana e saj se shpërthimi nuk u shkaktua nga rrjeti i saj, duke pretenduar se nga hetimi që ka kryer nuk ka pasur ndonjë rrjedhje.
Sipas kompanisë, tubacionet e saj transportojnë gaz natyror nën presion të ulët në anë të rrugës dhe nuk u dëmtuan kur ndodhi shpërthimi. /tesheshi.com/
