Krahas rastit Khashoggi, një tjetër vrasje e mistershme ka tronditur SHBA, ku viktima janë dy motra saudite.
Policia ende është duke u përpjekur për të zbuluar se çfarë fshihet pas vdekjes misterioze të dy vajzave, motra me njëra-tjetrën me origjinë nga Arabia Saudite, trupat e të cilave u gjetën një javë më parë në brigjet e lumit Hudson në Neë York.
Vajzat ishin të lidhura së bashku me masë ngjitëse rreth belit dhe këmbëve.
Portali amerikan The Daily Beast thotë se motrat, Tala 16 vjecce dhe Rotana Farea 22 vjecce, kohët e fundit kërkuan azil në Shtetet e Bashkuara.
Portali shton se Ambasada Saudite në Uashington ka kërkuar në mënyrë të përsëritur që vajzat të kthehen në vendin e tyre pasi kanë aplikuar për azil.
Në këtë kontekst, gazeta USA Today thotë se nëna e dy vajzave ka njoftuar policinë se më 23 gusht mori një telefonatë nga ambasada e Arabisë Saudite në Uashington, një ditë para zhdukjes së vajzave të saj.
Oficeri urdhëroi familjen të largohej nga vendi, sepse dy vajza kishin aplikuar për azil në Shtetet e Bashkuara.
Autoritetet amerikane gjetën një javë më parë trupat e pa jetë të dy motrave në lumin Hudson.
Sipas raportit të policisë, zhdukja e dy vajzave në shtetin e Virxhinias është njoftuar më 24 gusht.
Shkaku i vdekjes së tyre do të përcaktohet nga autopsia.
Policia e Nju Jorkut publikoi fotot e dy viktimave, duke u bërë thirrje të gjithë atyre që i kishin parë para se të zhdukeshin. Në të njëjtën kohë, ata vazhdojnë të kryejnë një hetim me anëtarët e familjes dhe miqtë për të gjetur se si dy vajzat kanë ardhur në Nju Jork. /tesheshi.com/
