Sot është Dita e Pavarësisë së Ukrainës nga sundimi sovjetik dhe kryeministri britanik Boris Johnson bëri një vizitë të papritur në Kiev duke u takuar me Volodymyr Zelensky-n.
Siç raporton Sun, Boris Johnson mori çmimin më të lartë të vendit për të huajt – “Urdhri i Lirisë” – si shenjë e mbështetjes së tij të fortë.
Kryeministri britanik është zotuar t’i dorëzojë Ukrainës një paketë ndihme ushtarake prej 54 milion paund për ta ndihmuar atë të mbrohet kundër pushtuesve rusë në afat të gjatë.
Boris Johnson në deklaratat e tij gjatë vizitës së tretë në kryeqytetin ukrainas tha si më poshtë:
“Gjatë gjashtë muajve të fundit, Mbretëria e Bashkuar ka qëndruar pranë Ukrainës në praktikë, duke mbështetur këtë vend sovran në mbrojtjen e tij kundër pushtuesit barbar dhe ilegal. Paketa e sotme e mbështetjes do t’u japë forcave të armatosura të guximshme dhe elastike ukrainase një nxitje shtesë, duke u mundësuar atyre të vazhdojnë të zmbrapsin forcat ruse dhe të luftojnë për lirinë e tyre. Ajo që ndodh në Ukrainë ka rëndësi për të gjithë ne, prandaj jam këtu sot për të dërguar mesazhin se Mbretëria e Bashkuar është me ju dhe do të vazhdojë të jetë për ditët dhe muajt në vijim. Dhe po, ju mundeni dhe do të fitoni”.
To the people of Ukraine on your Independence Day, I want you to know this: For however long it takes, the United Kingdom will stand with you.
У День Незалежності України я хочу, щоб її народ знав:
Велика Британія стоятиме поряд з вами стільки, скільки знадобиться. pic.twitter.com/6Gn9sYspzK— Boris Johnson (@BorisJohnson) August 24, 2022
Kujtohet se Boris Johnson pritet të largohet nga zyra e kryeministrit të Britanisë, ndërsa vizita e sotme në vendin e shkatërruar nga lufta mund të jetë e fundit e tij si kryeministër.
Sot, më 24 gusht, Ukraina kremton 31-vjetorin e shkëputjes nga sundimi sovjetik. Në këtë ditë të vitit 1991 u miratua Akti i Deklaratës së Pavarësisë së Ukrainës. /tesheshi.com/
