Një vdekje e ndodhur mëngjesin e sotëm në maternitetin “Koço Gliozheni” në Tiranë, pritet të hapë një tjetër debat mbi shërbimin e bluzave të bardha.
Aida Koçi, 35 vjeçe, së bashku me foshnjën e saj kanë ndërruar jetë për arsye ende të pabëra publike, gjë që ka sjellë reagimin e dhunshëm të familjarëve, të cilët më pas janë shoqëruar për në komisariat pasi shkaktuan dëme në ambientet e spitalit.
Këta të fundit kërkojnë që të hetohen mjekët roje, duke i konsideruar ata si shkaktarë të vdekjes së të afërmes së tyre bashkë me foshnjën.
Dhe ky është i disati rast gjatë viteve të fundit, ku vdekjet e pacientëve në spital çojnë në konflikte deri dhe fizike, e më pas në procese gjyqësore. /tesheshi.com/
