Italia qendrore është goditur nga një tjetër tërmet këtë mëngjes, duke krijuar panik të paparë te njerëzit. Tërmeti ka qenë i shkallës 6.6 ballë, me epiqendër 68 kilometra në jug të Peruxhias, në Norcia.
Lëkundjet e këtij mëngjesi pasojnë ato të pak ditëve më parë, dhe qenë në një thellësi prej vetëm 1.5 km.
Nuk ka të dhëna ende për viktima, por janë shkatërruar një numër ndërtesash.
AFP njofton se tërmeti goditi qyteza që ishin boshatisur përgjithësisht për shkak të tërmeteve në ditët e mëhershme.
Sipas La Stampa-s, tërmeti është ndjerë dhe në Veneto, Pulja e Napoli.
Në kryeqytetin italian, në Romë, është mbyllur përkohësisht metroja.
Ky ishte tërmeti i 15-të i ndjerë në 71 orët e fundit në Italinë qendrore. /tesheshi.com/
