Saimir Tahiri është shfaqur sërish i irrituar me Prokurorinë e Krimeve të Rënda, pasi pretenca ndaj tij u shty sërish, kësaj here për me 10 shtator, duke u shoqëruar me pretendimin e pushimeve në gusht.
“Jua thashë, unë nuk dua t’i vë asnjë emër, thjesht po zgjatet përtej cdo argumenti. Unë jam gati ta mbroj veten.
Nuk e kuptoj sesi prokuroria ka dy vjet që merret me këtë çështj edhe nuk është e mundur ta bëjë këtë: ose të dënojë një kiminel, ose të lërë të qetë një njeri të pafajshëm.
U shty herën e parë për çështje poste, për çështje polici, herën e tretë për shkak të humbjes së letrave, herën e katërt për shkak se gushti është pushim.
Unë i kam parë letrat, nuk ka asnjë gërmë më shumë se se letrat e shtatorit 2017 kur kërkuan në Kuvend arrestimin tim”, tha ish-ministri i Brendshëm.
Ai akuzohet për implikim në trafik droge, por ndërsa nga drejtësia italiane ka rezultuar i pastër, kjo shqiptare ende nuk ka mundur të formulojë një akuzë që do e çonte Tahirin pas hekurave. /tesheshi.com/
