Kryeministri Rama u shfaq sërish i irrituar me SPAK-un, ku në një mbledhje grupi socialist kritikoi nja aksion të fundit të Prokurorisë Speciale, ndodhur në Universitetin Bujqësor të Kamzës, me disa arrestime e masa të tjera penale. Kjo, pas hetimit të një afere të dyshuar korruptive në këtë universitet.
“Të marrësh 24 masa sigurie, të trondisësh një univeristet të tërë, dhe t’i japësh një shkelm një marrëveshje të bërë duke shkuar unë atje personalisht tek shkallët e Univesitetit të Vienës, për t’iu lutur hajdeni në Shqipëri ta bëjmë një universitet austriak, se ndyshe nuk do na vijë me njëri të studiojë si agronom.
Tani si i shpjegohet austriakëve që një forcë speciale bën 24 masa sigurie, për paraburgim, arrest shtëpie dhe detyrim paraqitje, a thua se u fut në fshatin e Corleones. Këto i bën prokuroria antimafie në Itali.
Problemi është se nuk mund të nisemi që cdo person në këtë repobulikë është i fajshëm dhe duhet të provojë pafajsinë e vet”, tha Rama.
Fjalimi i kryeministrit ishte i gjatë e plot kritika, ku përfshiu dhe rastin e fundit ku Gjykata e Stasburgut rrëzoi drejtësinë shqiptare për rastin e ish-drejtorit të RTSH-së, Thoma Gëllçi.
Nga ana tjetër, drejtuesi i SPAK-ut, Altin Dumani, thjesht ka zgjedhur fjali të drunjta për t’ju përgjigjur kritikave:
“SPAK ka treguar se është në gjendje të kryejë në pavarësi të plotë hetime të guximshme kundër zyrtarëve të lartë të shtetit, kjo dëshmon se epoka e paprekshmërisë po lëkundet”, tha ai së fundi në një takim. /tesheshi.com/
