Një tjetër kryebashkiak socialist po hetohet nga SPAK, gjë që mund të çojë deri në dorëheqje apo largim të tij, pasi është marrë i pandehur nga Prokuroria e Posaçme. Fjala është për njeriun që drejton Bashkinë e Libohovës në jug, një ish-shef krimesh në Komisariatin e Gjirokastrës.
Më saktë, Leonard Hide akuzohet për shpërdorim detyre, pasi kur mbante detyrën e lartë policore ka
lejuar kultivimin e kanabisit. Kështu pretendohet nga SPAK. Në një reagim të tij për gazetarët, ai tha: “Kur kandidova për kryetar bashkie nuk isha në dijeni të hetimit. Nëse është e nevojshme do largohem si kryetar bashkie për t’u përballur me drejtësinë”.
Kështu, SPAK mund t’i hapë një telash të ri partisë në pushtet, pasi do i duhet të organizojë votime të pjesshme për një kryebashkiak të ri në Libohovë, gjithnjë nëse Hide do detyrohet të largohet.
Në këtë rast, edhe njëherë del në pah moskujdesi socialist për integritetin moral të të zgjedhurve vendorë e jo vetëm. /tesheshi.com/
