Kryeministri Kurti është në një tjetër presion ndërkombëtar për më të fundit çështje të mprehtë, atë të një referendum serb.
Vendet e QUINT-it, Franca, Gjermania, Italia, Mbretëria e Bashkuar, Shtetet e Bashkuara dhe Bashkimi Evropian i kanë kërkuar qeverisë së Kosovës që të lejojë mbajtjen e referendumit serb në Kosovë më ndërmjetësimin e OSBE-së.
“Ne i bëjmë thirrje Qeverisë së Kosovës që të lejojë serbët në Kosovë të ushtrojnë të drejtën e tyre të votës në zgjedhje dhe procese zgjedhore në përputhje me praktikën e vendosur”, thuhet ndër të tjera në komunikatën e përbashkët.
Këto vende kanë kërkuar nga Kosova dhe Serbia që të përmbahen nga veprimet dhe retorika që rrisin tensionet dhe të angazhohen në mënyrë konstruktive në dialogun e lehtësuar nga BE-ja.
“Është e rëndësishme që të dyja qeveritë të arrijnë progres drejt një marrëveshjeje gjithëpërfshirëse që hap perspektivën e BE-së dhe rrit stabilitetin rajonal”, vijon deklarata.
Një ditë më parë, edhe përfaqësuesi i lartë i Bashkimit Evropian për Politikë të Jashtme dhe Çështje të Sigurisë, Josep Borrell i drejtoi të njëjtën kërkesë ndaj qeverisë së Kosovës dhe kryeministrit Albin Kurti.
Serbia, më 16 janar, do të mbajë referendum për ndryshimet kushtetuese që kanë të bëjnë me fushën e drejtësisë.
Por Kurti gjykon që ky referendum për çështje ekskluzivisht serbe nuk k apse mbahet dhe në territorin e Kosovës.
“Në një bisedë telefonike me Përfaqësuesin e Lartë të BE-së, Josep Borrell, e kam përcjellë qëndrimin tonë: serbët në Kosovë që kanë shtetësi të dyfishtë mund të votojnë në referendum për Serbinë me postë ose në Zyrën Ndërlidhëse në Prishtinë”, shkroi Kurti një ditë më parë në Twitter. /tesheshi.com/
