Opozita jashtëparlamentare, ajo që dogji mandatet, kan marrë goditjen e radhës nga përtej oqeanit. Një ditë pas formimit të grupeve të reja parlamentare nga deputetë të rinj e ata që nuk pranuan të “vetëdigjen”, ka ardhur dhe mbështetja amerikane për ta, duke u yshtur të marrin pjesë dhe në zgjedhje.
E Ngarkuara me punë e Ambasadës së SHBA në Tiranë, Leyla Moses-Ones, tha për VOA-n se “hapat konstruktivë të opozitës në parlament dje, të cilët formalizuan më tej praninë dhe pozicionet e tyre si deputetë, do të forcojë më tej aftësinë e tyre për të përfaqësuar zgjedhësit e tyre si anëtarë aktivë të parlamentit. Parlamenti i Shqipërisë vazhdon të funksionojë. Ky vazhdim i proceseve parlamentare – përfshi hyrjen e deputetëve të rinj, zhvillimin e debateve dhe miratimin e ligjeve – është shenjë e vazhdimësisë dhe stabilitetit të këtij institucioni të rëndësishëm demokratik”.
Megjithatë, diplomatja amerikane që po luan dhe rolin e ambasadores ende të munguar, la një shteg të lirë për djegësit e mandateve, kur deklaroi: “U bëri thirrje atyre partive që kanë braktisur institucionet e Shqipërisë që të riangazhohen në procesin politik. Pjesëmarrja në zgjedhjet vendore të qershorit është mundësia më e mirë për ta, që ta bëjnë këtë”. /tesheshi.com/
,
