Shenavlashi në Durrës, aty ku muaj më parë tre fëmijë vranë babanë e tyre, pra saga e Pëllumb Metajt, është përsëritur me rastin tjetër, atë të një të riu që ka vrarë po babanë e tij për 75 milionë lekë. Viktima, Enver Balla, 62 vjeç, raportohet të jetë vrarë nga i biri Esmerald Balla, i cili e ka raportuar të zhdukur në Polici, por që ka rezultuar se e ka hedhur në një pus.
Ngjarja e rëndë ka ndodhur më 13 gusht.
Sipas informacioneve paraprae, i ati ka patur një kasafortë në brendësi të së cilës kishte 75 milionë lek të vjetra. Kasafortën e mbante tek dhoma e të birit dhe çelësin e saj e mbante vete.
I biri(autori) i kishte hapur me gur fresibël duke marrë herëpashere para, deri në momentin që babai ka dashur të marrë rreth 20 mijë euro për t’i investuar tek shtëpia që po ndërtonin. aty, kur ka konstatuar që mungonin lekët, kanë debatuar dhe janë konfliktuar. Por krimi ka ndodhur të nesërmen, kur të dy kanë shkuar te stani i tyre, ku dhe ka ndodhur gjëma.
Ka qenë pikërisht autori i vrasjes ai i cili ka shkuar më pas në Polici duke bërë edhe denoncimin për zhdukjen e të atit. Por e vërteta ka qenë krejt ndryshe, duke u zbuluar pa zgjatur shumë kohë.
Vlen të theksohet se krimi është i ngjashëm me vrasjen e ndodhur në të nëjtin fshat në muajin shkurt, ku tre fëmijët e familjes Meta, organizuan vrasjen dhe zhdukjen e kufomës së kryefamiljarit Pëllumb Meta. /tesheshi.com/
