Kosova është prezantuar në mënyrën më të mirë të mundshme në Grand Slamin e Parisit në xhudo pasi skuadra e trajnerit Driton Kuka ka arritur të fitojë dy medalje.
Majlinda Kelmendi e ka nisur tamam si kampione vitin 2017-të, pasi ka fituar medaljen e artë pasi në finale mposhti japonezen Natsumi Tsunoda.
Majlinda rrugën drejt të artës e nisi në raundin e dytë kur brenda një minuti fitoi ndaj kanadezes, Ecaterina Guica. Më pas, mposhti francezen, Astride Gneto për të kaluar tutje. Kurse, në gjysmëfinale, mundi amerikanen, Angelica Delgado me dy wazari për të arritur finalen, ku siç pohuam më lartv mposhti japonezen, Tsunoda.
Marrja e të artës në këtë turne nuk është diç risi për Majlindës pasi edhe në tri vitet e kaluara bëri një gjë të tillë.
Pas këtij suksesi, Majlinda tregoi se vazhdon të jetë numër 1 në kategorinë e saj.
Distria Krasniqi, e bronztë
Ndonëse është pritur fitorja e Majlindës, padyshim se një tjetër arritje e madhe për xhudon kosovare është edhe medalja e bronztë që rrëmbeu xhudistja e re Distria Krasniqi, e cila mposhti francezen, Astride Gneto.
Kjo e fundit fatkeqësisht nuk arriti ta mposht japonezen Tsunoda në gjysmëfinale dhe në fund u desht të pajtohet me të bronztën që padyshim është një sukses i madh për të.
21-vjeçarja e nisi garimin me fitore ndaj francezes Laetitia Payet në raundin e dytë. Në çerekfinale, Krasniqi mposhti rusen, Natalia Kuziutina, pas kohës shtesë.
Humbja e Distrisë në gjysmëfinale bëri që të mos ketë një një finale kosovare në kategroinë deri 52 kg ku në rast fitoreje do luftonte me shoqen e saj Majlindën.
Ky është rangimi më i mirë për Distrinë në këtë grand slam, pasi në dy pjesëmarrjet e mëhershme kishte përfunduar e pesta.
Nora e Akili nuk arrinë të marrin medlaje
Dy xhudistët tjerë pjesëmarrës në këtë turne Nora dhe Akil Xhakova përkundër paraqitjeve të mira nuk arritën të fitojnë medalje në kategorinë e tyre.
Nora në duel për të bronztën u mposht nga japonezja, Tsukasa Yoshida dhe mbeti pa medalje.
Ndërkohë, xhudisti Akil Gjakova u eliminua në rrethin e tretë pasi u mposht nga kinezi, Saiyinjirigala. Kjo ishte pjesëmarrja e parë për Akilin në Grand Slamin e Parisit.
Në përgjithësi ky është një sukses i radhës për xhudon kosovare, për të cilat rezultate kanë marrë mesazhe urimi edhe nga shteti.
Triumfit i Kelmendit por edhe i Krasniqit, ka gëzuar dhe kryeminsitrin Isa Mustafa i cili ka thënë se “Majlinda vazhdon të na e mbajë në piedestal emrin e shtetit tonë”. /tesheshi.com/
