Organizata Botërore e Basketbollit (FIBA) ia dha Katarit organizimin e Kupës së Botës në basketboll për meshkuj 2027, ndërsa Kupa e Botës për femra, e planifikuar për një vit më parë, do të luhet në Gjermani.
FIBA njoftoi se të gjitha ndeshjet e turneut të meshkujve, ku do të marrin pjesë 32 kombëtare, do të luhen në Doha, kryeqyteti i Katarit.
Si një nga arsyet pse mikpritësi iu dha Katarit, u përmend lidhja e mirë me fluturime direkte të Doha-s me shumicën e vendeve, pjesëmarrëse potenciale të Kupës së Botës, si dhe sistemet moderne të transportit publik në atë qytet.
Në favor të kandidaturës së Katarit është fakti se të gjitha sallat ku do të luhen lojërat janë ndërtuar tashmë me aplikimin e gjerë të “teknologjive të gjelbra”, dhe kjo do të ndihmojë që Kupa e Botës 2027 të bëhet një ngjarje “neutrale ndaj karbonit”, deklaroi FIBA.
Sa i përket kampionatit botëror të basketbollit për femra, ato do të priten nga Berlini dhe do të luhen në Arena Berlin dhe në sallën Max-Schmeling. Kështu Gjermania do të presë basketbollistet më të mira në botë për herë të dytë në histori, pas vitit 1998.
16 kombëtaret më të mira të femrave do të performojnë për herë të parë në Botërorin 2026. /tesheshi.com/
