Nga Suedia, vendi që e ka marrë menaxhimin e krizës botërore pandemike me “sportivitet”, vjen një tjetër lajm unik.
Drejtuesit e një spitali kanë urdhëruar mjekët që të mos vendosin pacientë të moshës 80 vjeç ose më të vjetër në njësinë e kujdesit intensiv gjatë trajtimit për infeksion koronar.
Aftonbladet raporton se një urdhër të tillë iu dha mjekëve nga menaxhmenti i Spitalit Universitar Karolinska, i cili është i njohur për publikun e gjerë edhe për kërkime shkencore.
Në të njëjtin dokument, drejtuesit e spitalit urdhëruan mjekët që të mos i dërgojnë pacientët mbi moshën 60 vjeç në kujdes intensiv, si çështje me përparësi, nëse ata kishin një sëmundje kronike para infeksionit koronavirus, raporton N1.
Menaxhmenti i spitalit u përball me kritika të ashpra pasi urdhri u lëshua te mjekët, dhe spitali tha se përparësitë mjekësore për kujdesin intensiv gjithmonë bazoheshin në shanset që i jepeshin pacientit për t’u shëruar.
“Kujdesi intensiv nuk mund të aplikohet për pacientët që nuk kanë një shans të lartë për të mbijetuar nga sëmundja,” thuhet në deklaratë. /tesheshi.com/
