Një tjetër “Astir” është shfaqur në Tiranë, nga i njëjti shkak siç është investim publik, e me të njëjtën pasojë siç është prishja e disa banesave banimi.
Bëhet fjalë për reagimin e banorëve të zonës së Bregut të Lumit, të cilër kanë dalë në protestë për të kundërshtuar shembjen e banesave në kuadër të zgjerimit të Bulevardit të Ri.
Reagimi i tyre ka qenë fizik, pasi kanë zgjedhur të gurët e shkopinjtë për të pamundësuar vijimin e procesit të punës nga fadromat. Ata pretendojnë se nuk kanë marrë ende kompensimin.
Dhe si për të marrë formën e një “Astiri nr.2”, krah banorëve është shfaqur ish-deputeti demokrat Klevis Balliu. /tesheshi.com/
