SHBA edhe njëherë i kanë kujtuar Shqipërisë se duhet të bëhet me Gjykatë Kushtetuese deri në fund të vitit.
Ambasadorja Yuri Kim, në një mesazh të radhës, shkroi:
“Takimi i djeshëm tregon bashkëpunimin e KED, Presidencës dhe Parlamentit për të vepruar me urgjencë në përputhje me opinionin e Komisionit të Venecias. Sjell një hap më afër një Gjykate Kushtetuese që funksionon deri më 31 dhjetor. Palët përkatëse duhet të vazhdojnë të lëvizin me urgjencë”.
Ajo pra i referohet mbledhjes së një dite më parë në Këshilli e Emërimeve në Drejtësi, ku pas 6 orësh diskutime, u vendosindalimin nga kandidimi i tre gjyqtarëve për 2 vakancat në Gjykatën Kushtetuese dhe u la në fuqi kandidimin e 3 gjyqtarëve të tjerë: Sonila Bejtja, Altin Binaj dhe Aleksandër Toma, të cilët ishin miratuar më herët.
Për shkak të vettingut, Shqipëria është për më shumë se dy vjet pa Gjykatë Kushtetuese, e kjo ka bërë që kundërshtarë apo kontestues të Reformës në Drejtësi, ta shohin atë si një lloj dështimi të reformës. Nga ana tjetër, SHBA, si një investitore e mbrojtjëse e reformës, kërkon me patjetër Kushtetuesen e re, sidomos për t’i “mbyllur gojën” Metës. /tesheshi.com/
