Jerome Valcke, sekretar gjeneral në FIFA, njëherësh krahu i djathtë i Sepp Blatter, është pezulluar nga detyra dhe nuk mund të ushtrojë asnjë funksion gjatë 12 viteve të ardhshme.
Lajmin e bëri të ditur Komiteti Etik brenda institucionit që ka vërtetuar akuzat se Valcke ka keqpërdorur pozitën zyrtare duke manipuluar me të drejtat televizive dhe biletat për Kampionatin Botëror të futbollit.
“Kemi zbuluar se firma e marketingut përfitoi nga avantazhi nga shitja e biletave të Kupës së Botës”, thuhej në komunikatë.
“Valcke, jo vetëm që nuk tentoi të ndalë këto aktivitete, por ai inkurajoi të tjerët që të vazhdojnë ta bëjnë këtë punë”.
Ky vendim vjen pas dënimit të vetë kryetarit të FIFA-s, Sepp Blatter dhe atij të UEFA-s, Michael Platini, që gjithashtu u pezullua për shkak të keqpërdorimit të pozitës zyrtare. /tesheshi.com/
