Dy shtetas janë arrestuar dhe një tjetër është shpallur në kërkim nga policia e Tiranës, në kuadër të operacionit të koduar “Rolexi”. Ata akuzohen për vjedhjen e një kasaforte me euro, bixhuteri floriri dhe ora rolex.
Burime zyrtare nga policia bënë të ditur se sektori për Krimet e Rënda, në bashkëpunim me shërbimet e Komisariatit të Policisë Nr.4, arrestuan shtetasit Eduart Ngota, 32 vjeç, i dënuar më parë dhe Zenel Dama, 27 vjeç, të dy banues në Tiranë. Gjithashtu është shpallur në kërkim 36-vjeçarja R.B.
Këta shtetas akuzohen se në datën 15 gusht 2017 në bashkëpunim me njëri- tjetrin kanë vjedhur një kasafortë, në një ndërtesë në rrugën e “Dibrës”.
Policia sekuestroi në cilësinë e provës materiale, sendet e ndodhura në kasafortën e vjedhur :
– 9 500 euro.
– Një orë Roleks Day-Data me ngjyrë gri metalizato.
– Një orë Roleks Day-Data me ngjyrë floriri.
– Një orë Jaeger Lecoultre, me ngjyrë floriri.
– Tre byzylyk floriri.
– Një varëse floriri.
– Një automjet i tipit “Fiat Punto”, i cili ka shërbyer për transportimin e kasafortës dhe largimin e autorëve nga vendi i ngjarjes.
“Materialet do ti referohen Prokurorisë Pranë Gjykatës së Shkallës së Parë Tiranë, në ngarkim të shtetasve të lartëpërmendur, për veprën penale “Vjedhje e kryer në bashkëpunim”, parashikuar nga nenet 134/3 dhe 25 të Kodit Penal”, thuhet në njoftimin e policisë. /tesheshi.com/
